काठमाडौँ । करिव दस वर्ष अगाडि तालिमका लागि सशस्त्र प्रहरी बलबाट अमेरिका गएकाबेला उतै भागेका नायव निरीक्षक उमेश सिलवाललाई सशस्त्र प्रहरी बलको टोलीले पक्राउ गरेको छ ।
भगोडा भएको पुष्टि गर्दै सिलवाललाई सशस्त्र प्रहरी विशेष अदालतले २०७५ भदौ ३१ गते तीन वर्षको कैद सजाय सुनाएको थियो । सजाएको फैसलापछि लुकिछुपि बस्दै आएका सिलवाललाई एपीएफ टोलीले ललितपरको जाउलाखेलबाट पक्राउ गरेको हो । उनलाई आइतबार महान्यायाधिवक्ताको कार्यालयमा लगेर आवश्यक कानुनी प्रकृया पुरा गरी डिल्ली बजार कारागारमा बुझाइएको प्रहरीले जनाएको छ ।
ललिपुर गोदावरी ३ घर भएका सिलवाल अमेरिकामा संचालन भएको ‘भिआईपी प्रोटेक्सन ट्रेनिङ’ मा गएको बेला तालिमपछि उतै भागेका थिए । उक्त तालिम १० वर्ष अघि २०६७ फगुन ३० देखि चैत्र १८ सम्म् चलेको थियो । तालिम समापन भएको तेस्रो दिन चैत्र २० गते नेपाल फर्कने क्रममा अमेरिकाको एयरपोर्टबाटै सिलवाल भागेका थिए ।नेपाल समाचारपत्र दैनिकमा खबर छ ।
प्रतिक्रिया दिनुहोस
पत्रपत्रिकाबाट
शुक्रबार, ०४ पुस २०७६, ०७ : १७
लेखकबाट थप
सम्बन्धित समाचारहरु
सशस्त्र प्रहरीका एआईजीहरूको जिम्मेवारी हेरफेर
सीमा क्षेत्रमा सशस्त्रको पैदल गस्ती
७० लाखको कपडासहित ट्रक प्रहरीको नियन्त्रणमा
दशगजाको १७ किमी क्षेत्र खाली गरिएको छ : सशस्त्र प्रहरी बल