हलमा एक साथ तीन फिल्म प्रदर्शनमा

काठमाडौं । आज चैत्र १ गते शुक्रबार तीन नयाँ नेपाली फिल्म प्रदर्शनमा आएका छन् । विश्व बजारलाई मध्यनजर गर्दै निर्माण गरिएको फिल्म ‘द म्यान फ्रम काठमाडौं’ र नेपाली फिल्महरु ‘पुरानो बुलेट’ र ‘जानी नजानी’ घरेलु बजारका लागि निर्माण गरिएका हुन् । भिषण राईको निर्देशनमा बनेको फिल्म ‘पुरानो बुलेट’ मा अनुप विक्रम शाही, बर्षा शिवाकोटी र माला लिम्बुको मुख्य भूमिका रहेको छ । अशोक कुमार राई, टिका रमा राई, विरेन सम्बा र दिपेन लिम्बु निर्माता रहेको फिल्ममा सन्तोष राई कार्यकारी निर्माता रहेका छन् । 

यस्तै लभ स्टोरी फिल्म ‘जानी नजानी’ लाई वसन्त अधिकारीले निर्देशन गरेका हुन् । फिल्ममा मनिश श्रेष्ठ, निरिशा बस्नेत, सन्नी सिंह र नम्रता श्रेष्ठ मूख्य भूमिकामा रहेका छन् । रोशनी केसी प्रस्तुतकर्ता रहेको फिल्ममा सागर काजि माली र मोदनाथ खनाल निर्माताको रुपमा रहेका छन् । पेमा डोन्धुपको निर्देशनमा तयार भएको फिल्म‘द म्यान फ्रम काठमाण्डु’ मा जोसे म्यान्युल, आन शर्मा, गुलसन ग्रोवर, हमिद शेख, शिशिर वाग्देल, कर्म, निर शाह लगायतका कलाकारको अभिनय रहेको छ ।