‘राज्यले आफ्नो नागरिकलाई पक्रन राति कै समय किन रोज्छ ?’

सफल खबर संवाददाता

शनिबार, २३ चैत्र २०८१, ०८ : ३९
‘राज्यले आफ्नो नागरिकलाई पक्रन राति कै समय किन रोज्छ ?’

काठमाडौँ ।  सुप्रिम बचत तथा ऋण सहकारी ठगी प्रकरणमा राष्ट्रिय स्वतन्त्र पार्टी (रास्वपा) का सभापति रवि लामिछानेलाई पक्राउ परेका छन् । शुक्रबार राति प्रहरी हेपाली हाइटस्थित उनको निवासमा पुगेर पक्राउ गरेको हो ।

रातको समयमा प्रहरी निवासमा पुगेर रविलाई पक्राउ गरेकोमा वरिष्ठ अधिवक्ता भीमार्जुन आचार्यले असन्तुष्टि पोखेका छन् । उनले प्रश्न गरेका छन्, ‘ लोक कल्याणकारी राज्यले आफ्नो नागरिकलाई पक्रन राति कै समय किन रोज्छ ?’

उनले भनेका छन्, ‘रवि लामिछानेलाई गिरफ्तार गर्न प्रहरी लामिछाने निवासमा पुगेको समाचार आएका छन् । अदालतको आदेशको पालना र कार्यान्वयन हुनु पर्नेमा त कुनै द्विविधा छैन । तर, लोक कल्याणकारी राज्यले आफ्नो नागरिकलाई पक्रन राति कै समय किन रोज्छ ? के टेक्स्ट र एक्सनमा हाम्रो सङ्गति कहिल्यै नहुने हो ?

यता पक्राउ पुर्जी नलिएरै प्रहरी लामिछानेलाई पक्राउ गर्न गएकोप्रति रास्वपाले पनि असन्तुष्टि पोखेको छ ।  ‘सभापतिको घरमा — त्यो पनि बेडरुमभित्र बसेर जुन किसिमले पुर्जी लेख्ने अनौठो अभ्यास प्रहरीले गर्‍यो, विधिको शासनमा त्यो क्षम्य हुन सक्दैन’, रास्वपाको भनाइ छ । 

शुक्रबार नै सहकारी ठगी प्रकरणमा लामिछानेलाई पुर्पक्षका लागि थुनामा पठाउने आदेश भएको थियो । उच्च अदालत तुलसीपुरको बुटवल इजलासले लामिछानेलाई थुनामा पठाउने आदेश दिएको हो ।

प्रतिक्रिया दिनुहोस