विपक्षीको विरोधपछि प्रतिधिनिसभा बैठक ४ बजे बस्ने

सफल खबर संवाददाता

आइतबार, १७ चैत्र २०८१, १५ : ४६
विपक्षीको विरोधपछि प्रतिधिनिसभा बैठक ४ बजे बस्ने

काठमाडौं । प्रतिनिधिसभा बैठक फेरि स्थगित भएको छ । संसद् सचिवालयले तेस्रोपटक सूचना जारी गर्दै बैठकको समय परिवर्तन भएको जानकारी गराएको छ ।

प्रतिबन्धात्मक व्यवस्थाको कारण देखाउँदै संसद् सचिवालयले बैठकको समय धकेलेको हो । प्रतिनिधिसभा नियमावली अनुसार निर्धारित समयभन्दा दुई घण्टा ढिलो भए सभाको बैठक स्वतः स्थगित हुन्छ ।

यही प्रतिबन्धात्मक व्यवस्थाका कारण दुई घण्टा पुग्नु समयअघि संघीय संसद्का महासचिव पद्मप्रसाद पाण्डेयले सूचना निकालेर आजै दिउँसो ४ बजे बस्नेगरी बैठक तेस्रोपटक सारेका हुन् ।

यसअघि आजै बिहान ११ बजे बोलाइएको बैठक बस्न सकेको थिएन । सत्ता र प्रतिपक्षी दलहरूबीच सहमति जुट्न नसक्दा सो बैठकका दिउँसो सवा १ बजेका लागि बोलाइयो ।

सवा १ बजे बोलाइएको बैठकमा पनि सत्ता र प्रतिपक्षी दलबीच चर्काचर्की रह्यो ।त्यसपछि १५ मिनेटका लागि स्थगित गरिएको बैठक दिउँसो साढे ३ बजेसम्मका लागि पुनः सूचना टाँस गरेर स्थगित गरिएको थियो ।

प्रतिक्रिया दिनुहोस