गलकोट । संघीयता लागु भएपछि बागलुङमा १० पालिका भए । त्यसअघि बागलुङ नगरपालिका मात्र अस्तित्वमा थियो ।
२०७३ सालमा स्थापना भएका बागलुङका नौ पालिका भाडाको घरमा सञ्चालन भएका थिए । ती मध्ये ६ स्थानीय तह आफ्नै भवनबाट सेवा दिन सफल भएका छन् । गलकोट र जैमिनी नगरपालिकाका भवन निर्माणाधीन छन् ।
फागुनदेखि ढोरपाटन नगरपालिकाले पनि आफ्नै भवनबाट प्रवाह गर्न थालेको छ । भवन निर्माण सम्पन्न भएपछि फागुनदेखि सेवा दिन थालिएको छ ।
चार करोड ५९ लाख ३४ हजारको लागतमा ६ तलाको पक्की भवनबाट सेवा प्रवाह थालिएपछि कार्यालय सञ्चालन खर्च घटेको छ ।
काठेखोला गाउँपालिकाले जग्गा टुंगो लगाउन सकेको छैन । ताराखोला गाउँपालिकाले सुविधासम्पन्न भवन निर्माण गरेको एक वर्ष पछि बडिगाड गाउँपालिकाले भवन बनाएको हो ।
काठमाडौंको सिंहदरबार संघीयतापछि जनताको सेवाका लागि गाउँमै निर्माण हुन थालेका हुन् ।
बडिगाड र ताराखोला मात्र होइन तमानखोला, निसीखोला गाउँपालिका र बरेङ गाउँपालिकाले पनि आफ्नै भवनबाट सेवा प्रवाह गरिरहेका छन् ।
प्रतिक्रिया दिनुहोस
सफल खबर संवाददाता
शुक्रबार, १६ फागुन २०८१, १० : ३०
लेखकबाट थप
सम्बन्धित समाचारहरु
गाउँको विद्यालय: जहाँ शहरका विद्यार्थी पढ्छन्
स्थानीय सरकारलाई अधिकार दिन्छौँ : प्रधानमन्त्री ओली