यी खेलकुदमा भाग लिन ट्रम्पले लगाए प्रतिबन्ध

वासिङ्टन डीसी । अमेरिकी राष्ट्रपति डोनाल्ड ट्रम्पले बिहीबार अर्को कार्यकारी आदेशमा हस्ताक्षर गरेका छन् । यो आदेशले ट्रान्सजेन्डर महिलाहरूलाई महिला खेलकुदमा प्रतिस्पर्धा गर्नबाट रोक्छ ।

यो आदेशले खेलकुदमा निष्पक्षता पुनर्स्थापित गर्ने रिपब्लिकन नेताहरूले बताएका छन् । तर एलजीबीटी समर्थक र मानव अधिकार सङ्गठनहरूले यो कदमलाई भेदभावपूर्ण भनेका छन् ।

ट्रम्पले सामाजिक सञ्जाल प्लेटफर्म ट्रुथ सोसलमा यसबारे जानकारी दिएका हुन् । यो अमेरिकाका केटी र महिलाका लागि ठुलो दिन भएको उनले बताए ।

‘हिजो, मैले एउटा कार्यकारी आदेशमा हस्ताक्षर गरेँ, यस कारणले गर्दा एनसीएएले आधिकारिक रूपमा आफ्नो नीति परिवर्तन गरी पुरुषहरूलाई महिला खेलकुदमा खेल्न अनुमति दिएको थियो । अब यो प्रतिबन्धित छ ।’ ट्रम्पले लेखे ।

एनसीएएको पूरा अर्थ राष्ट्रिय कलेजिएट एथलेटिक संघ हो । यसले अमेरिकामा अन्तरकलेज एथलेटिक्सलाई नियन्त्रण गर्छ । ‘पुरुषलाई महिलाहरूसँग प्रतिस्पर्धा गर्न कहिल्यै अनुमति दिइनु हुँदैनथ्यो, महिला खेलकुद बचाउने राष्ट्रपतिको रूपमा म गौरवान्वित छु ।’ उनले लेखेका छन् । अमेरिकी जनता र विश्वभर लोकप्रिय ओलम्पिक समितिले पनि सामान्य ज्ञान प्रयोग गरेर यो नीति लागू गर्ने आशा आफूले गरेको पनि उनले बताए ।