मधेशकेन्द्रित आठ दलको बैठक जारी

काठमाडौं । मधेसकेन्द्रित दलहरूको बैठक सिंहदरबारमा बसिरहेको छ । सिंहदरबारस्थित अन्तर्राष्ट्रिय सम्बन्ध समितिको हलमा आठ पार्टीको बैठक बसिरहेको हो ।

मधेसीकेन्द्रित दलको मोर्चा बनाउने विषयमा छलफल गर्न जनता समाजवादी नेपालको अगुवाइ बैठक बसेको हो । बैठकमा जनता समाजवादी, जनमत पार्टी, जसपा नेपाल, नागरिक उन्मुक्ति, लोकतान्त्रिक समाजवादी, राष्ट्रिय मुक्ति पार्टी, जनता प्रगतिशील र तराई मधेश लोकतान्त्रिक पार्टीका नेता सम्मिलित छन् ।

आठ दलबीच मुद्दाकेन्द्रित सहकार्यका लागि छलफल गर्न सबै दलले वार्ता समिति बनाएका छन् । वार्ता समितिका नेताहरूबीच नै अहिले छलफल चलिरहेको हो । यसअघि जनता प्रगातिशीलले बैठकको आयोजना गरेको थियो । आआफ्नो दलमा छलफल गरी पुनः बैठक बसेर मोर्चा निर्माणको विषयलाई ठोस रूपमा दिने सो बैठकले निर्णय गरेको थियो ।