समाजवादी मोर्चाको बैठक आज

काठमाडौँ । समाजवादी मोर्चाको बैठक आज बस्ने भएको छ । दिउसो २ बजे एकीकृत समाजवादीको केन्द्रीय कार्यालय आलोकनगरमा बैठक बस्न लागेको हो । 

पछिल्लो समय समाजवादी मोर्चा निष्क्रिय रहेको अवस्थामा गत शुक्रबार माओवादी केन्द्रका अध्यक्ष पुष्पकमल दाहाल प्रचण्ड र एकीकृत समाजवादीका अध्यक्ष माधव नेपालबिचको वार्तापछि बैठक बोलाउने समझदारी भएको थियो । 

 ४ असार २०८० मा माओवादी केन्द्र, एकीकृत समाजवादी, जसपा नेपाल र विप्लव नेतृत्वको नेकपाले समाजवादी मोर्चा बनाएका थिए । पछिल्लो समय उपेन्द्र यादव नेतृत्वको जनता समाजवादी पार्टी नेपाल भने  मोर्चामा सक्रिय छैन ।

यसअघि माओवादी केन्द्रको आह्वानमा विपक्षी दलहरूको संयुक्त बैठक सिंहदरबारमा बसिरहेको छ ।