काठमाडौं । नेपाल मर्चेन्ट बैंकर्स संघको कार्यसमिति पदाधिकारीरूले नेपाल धितोपत्र बोर्डका अध्यक्ष सन्तोष नारायण श्रेष्ठसँग भेटघाट गरेका छ । बोर्डको कार्यालय खुमलटारमा बिहीबार प्रतिनिधिमण्डलले अध्यक्ष श्रेष्ठसँग भेटघाट गरेको संघका महासचिव निर्मल भट्टराईले जानकारी दिए ।
सो क्रममा संघका अध्यक्ष रामेन्द्र रायमाझीले अध्यक्ष श्रेष्ठलाई समग्र पुँजी बजार लाई स्वच्छ, पारदर्शी, भरपर्दो र विश्वासिलो बनाउन, लगानीकर्ताको हक हित संरक्षण गर्न आग्रह गरेका थिए ।
भेटमा अध्यक्ष श्रेष्ठले समग्र पुँजीबजारलाई स्वच्छ, पारदर्शी तथा समय सापेक्ष आधुनिक प्रविधिमैत्री बनाई नियमन तथा सुपरिवेक्षण कार्यलाई थप प्रभावकारी बनाउने प्रतिबद्धता व्यक्त गरेका थिए ।
प्रतिनिधिमण्डलमा संघका अध्यक्ष रायमाझीका साथै निवर्तमान अध्यक्ष विजयलाल श्रेष्ठ, उपाध्यक्ष मनिष नारायण जोशी, महासचिव भट्टराई, कोषाध्यक्ष शिभान्तराज पाण्डे तथा सदस्य द्वय सन्दिप कार्की र पुष्प शर्मा सहभागी थिए ।
प्रतिक्रिया दिनुहोस
सफल खबर संवाददाता
शुक्रबार, १४ मंसिर २०८१, १० : ५१
लेखकबाट थप