चितवन । पञ्चकन्या सामुदायिक वन अगाडि रत्ननगर नगरपालिका-११ शीतल टोलमा दुई वटा चित्तल मारेर बोरामा लैजान लागेका एक जनालाई पक्राउ गरिएको छ ।
डिभिजन वन कार्यालय चितवनका सूचना अधिकारी देवी पौडेलका अनुसार कालिका नगरपालिका-६ घर भई वडा नम्बर ३ मा बसोबास गर्दै आएका ३१ वर्षीय उज्वल लामा पक्राउ परेका हुन् । निजको साथमा रहेको बोराभित्र दुई वटा मृत चित्तल राखेको भेटिएको थियो । पौडेलका अनुसार चित्तल गोली हानेर मारिएको हो ।
पक्राउ परेका लामासँगै अन्य चार मोटरसाइकल फेला परेको छ । उनीसँगै आएका मोटरसाइकलमा सवार केही व्यक्ति फरार भएका छन् । निजहरूले गोली हानेर चित्तल मारेको सूचनाको आधारमा सोमबार इलाका प्रहरी कार्यालय रत्ननगर, डिभिजन वन कार्यालय, सशस्त्र वन रक्षक टोली र पञ्चकन्या सामुदायिक वनको संयुक्त टोलीले निजलाई पक्राउ गरेको हो ।
उक्त कार्यमा संलग्न फरार व्यक्तिहरूको खोजी भइरहेको पौडेलले बताए । वनभित्र गोलीको आवाज सुनिएपछि चित्तल मारेको आशंकामा उनीहरूको खोजी गरिएको थियो । घटनाबारे अनुसन्धान भइरहेकाले वन कार्यालयले आज मात्र सूचना दिएको हो ।
प्रतिक्रिया दिनुहोस
रासस
मंगलबार, २२ असोज २०८१, १५ : ५६
लेखकबाट थप
सम्बन्धित समाचारहरु
श्रीमतीको हत्या गरी फरार रहेका व्यक्ति पक्राउ
स्रोत नखुलेको १९ लाख रूपैयाँ सहित दुई जना पक्राउ
जुवातास खेलिरहेको अवस्थामा काठमाडौँबाट ७ जना पक्राउ
सिंहदरबारस्थित दक्षिण गेट अगाडिबाट ६ जना पक्राउ
अवैध लागूऔषध सहित विभिन्न स्थानबाट ११ जना पक्राउ
जुवातास खेलिरहेको अवस्थामा २२ जना पक्राउ