काठमाडौं। ललितपुर महानगरपालिकाले पाँच वटा डुंगा किन्ने भएको छ। मेयर चिरीबाबु महर्जनले डुंगा नहुँदा उद्धारमा समस्या भएको बताए। सिंहदरबारमा स्वास्थ्य तथा जनसंख्या मन्त्री र खानेपानी मन्त्रीसँगको छलफलका क्रममा ललितपुर महानगरका मेयर महर्जनले डुंगा नहुँदा उद्धार गर्न समस्या भएकोले अब महानगरले नै डुंगा किन्ने बताएका हुन्।
हालैको बाढी र डुबानमा डुंगा नहुँदा धेरैको उद्धारमा समस्या परेको उनले बताए। ‘अब पाँच वटा डुंगा किन्छौं,’ उनले भने। आगामी दिनमा उद्धार र राहत कार्यमा समस्या हुन नदिन डुंगा किनेर राख्ने उनको भनाइ छ।
‘चार-पाँच वटा डुंगा किनेर राख्छौं। यो पटक हामीले डुंगा नभएर साह्रै दुःख पायौँ, त्यसको निमित्त चाहिने किसिमको व्यवस्थापन हामी गर्छौं,’ उनले भने।
प्रतिक्रिया दिनुहोस
सफल खबर संवाददाता
विहीबार, १७ असोज २०८१, ११ : ५०
लेखकबाट थप