रियल मड्रिडको संर्घषपूर्ण जित

एजेन्सी । स्पेनिस ला लिगा अन्तर्गत शनिबार राति भएको खेलमा रियल मड्रिडले रियल सोसिडाडमाथि संर्घषपूर्ण जित निकालेको छ। 

रियल एरिनामा भएको खेलमा रियलले रियल सोसिडाडलाई २–० गोल अन्तरले पराजित गरेको हो।  दुवै गोल पेनाल्टीमा मात्र सम्भव भए। 

खेलको पहिलो हाफमा गोलका लागि संघर्ष गरेको रियलले दोस्रो हाफमा पेनाल्टी अवसरलाई खेर जान दिएन। खेलको ५८ औँ मिनेटमा भिनिसियस जुनियरले पेनाल्टीमा गोल गर्दै रियललाई सुरुवाती अग्रता दिलाएका थिए। 

७५ औँ मिनेटमा केलियन एमबाप्पेले पनि पेनाल्टीमा नै गोल गर्दै अग्रता दोब्बर पारे। 

जितसँगै रियल अंक तालिकाको दोस्रो स्थानमा छ। लिगको पाँच खेलमा ३ खेलमा जित र दुई खेलमा हार भोगेको रियल ११ अंकमा दोस्रो स्थानमा छ। समान खेल र समान अंकबाट भिल्ला रियल तेस्रो स्थानमा छ। 

एक खेल कम खेलेको बार्सिलोना १२ अंकमा तालिकाको शीर्ष स्थानमा छ। 

गएराति नै भएको खेलमा भिल्ला रियलले मालोर्कालाई २–१ गोल अन्तरले पराजित गर्यो। अर्को खेलमा स्पान्योलले डिपोर्टिभ अलाभेसमाथि ३–२ को संर्घषपुर्ण जित निकालेको छ। सेभिल्लाले भने गेटाफेलाई १–० ले पाखा लगायो।