कर्णाली नदीमा भेटियो बालिकाको शव

कैलाली । कैलालीमा एक बालिकाको शव फेला परेको छ। कर्णाली नदीमा बिहीबार एक बालिकाको शव फेला परेको हो।

लम्कीचुहा नगरपालिका–३ गोराङ्गेस्थित कर्णाली नदीको पश्चिम भँगालोमा १२ वर्षीया बालिकाको शव फेला परेको प्रहरीले जनाएको छ। 

इलाका प्रहरी कार्यालय चिसापानीका प्रहरी निरीक्षक हरिराम डाँगीका अनुसार कर्णाली चिसापानी सामुदायिक वनतर्फको भागबाट र्‍याफ्टिङको सहायतामार्फत बालिकाको शव निकालिएको हो।

शव टिकापुर अस्पताल लगिएको छ। शव पहिचान गर्न सकिने अवस्थामा नरहेको उनले बताए।