काठमाडौँ । बुधबार सर्वोच्च अदालत अन्तर्गत संवैधानिक इजलासमा निर्वाचन आयोगविरुद्ध १४ वटा रिट निवेदनको पेसी तोकिएको छ । आम निर्वाचन २०७९ सँग सम्बन्धित ती रिट निवेदनमा कतै पुनः मतगणनाको माग गरिएको छ भने कतै पुनः निर्वाचन गराइ पाउन माग गरिएको छ ।
प्रधान न्यायाधीश विश्वम्भरप्रसाद श्रेष्ठसहित न्यायाधीशहरू प्रकाशमान सिंह राउन, सपना प्रधान मल्ल, प्रकाश कुमार ढुंगाना र कुमार रेग्मीसहितको संवैधानिक इजलासमा बुधबार ती मुद्दाको पेसी तोकिएको हो ।
प्रतिनिधि सभा सदस्यमा स्याङ्जा क्षेत्र नम्बर २ बाट निर्वाचित नेपाली कांग्रेसका धनराज गुरुङसमेतलाई विपक्षी बनाएर एमालेका बुद्धिमान श्रेष्ठले दायर गरेको रिट निवेदन पनि बुधबारकै लागि पेसीमा चढेको छ । श्रेष्ठ स्याङ्जाको प्रदेश सभा क्षेत्र नम्बर २(२) मा नेपाली कांग्रेसका महेश भट्टराईसँग पराजित भएका थिए । श्रेष्ठले प्रदेश सभा सदस्य भट्टराईलाई पनि रिट निवेदनमा विपक्षी बनाएर निर्वाचन बदर गरी पुनः निर्वाचन गराउन माग गरेका छन् ।
यस्तै सुर्खेत–२ को प्रदेश सभा (१) मा एमालेबाट प्रदेश सभा सदस्यमा निर्वाचित भएका यामलाल कँडेलसहित निर्वाचन आयोगविरुद्ध नेपाली कांग्रेसका कालीप्रसाद शाक्यले दायर गरेको रिट निवेदन पनि संवैधानिक इजलासमा पेसी तोकिएको छ । शाक्यले पुनः मतगणनाको माग गरेका छन् । उनी कँडेलसँग १६१ मतले पराजित भएका थिए ।
प्रतिक्रिया दिनुहोस
सफल खबर संवाददाता
बुधबार, ०५ भदौ २०८१, १२ : १६
लेखकबाट थप
सम्बन्धित समाचारहरु
स्थानीय तहमा ३४ पद रिक्त, उपनिर्वाचनको लागि नाम दर्ता गर्न आयोगको आह्वान
उपनिर्वाचनको तयारीबारे प्रधानमन्त्रीसँग निर्वाचन आयोगका पदाधिकारीको छलफल
निर्वाचन आयुक्तमा सिफारिस प्रधानद्वारा कार्ययोजना पेस (पूर्णपाठ)
निर्वाचन आयोगले माग्यो रणनीतिक योजनामा सुझाव
निर्वाचन आयोगको आयुक्तमा सिफारिस प्रधानविरुद्ध उजुरी आह्वान गर्ने निर्णय
निर्वाचन आयुक्तमा कृष्णमान प्रधान सिफारिस