वाशिङटन डीसी । इजरायलका प्रधानमन्त्री बेन्जामिन नेतान्याहु यतिबेला अमेरिका भ्रमणमा छन् । सोही क्रममा उनले अमेरिकी राष्ट्रपति जो बाइडेनसँग भेटवार्ता गरेका छन्। यसअघि नेतन्याहुले अमेरिकी कांग्रेसको संयुक्त बैठकलाई पनि सम्बोधन गरेका थिए ।
बाइडेन र नेतन्याहुले एक अर्कालाई भेटेर गाजा युद्धविराम सम्झौताका सम्बन्धमा दुई पक्षबिचको मतभेदलाई समाधान गर्ने विषयमा कुराकानी गरेको ह्वाइट हाउसले बताएको छ । अमेरिकी कांग्रेसलाई सम्बोधन गरेपछि नेतन्याहुले बाइडेनलाई भेटेका थिए ।
नेतन्याहुले संसद्लाई सम्बोधन गरिरहँदा हजारौँ प्यालेस्टिनी समर्थकहरूले संसद् भवन बाहिर विरोध प्रदर्शन गरेका थिए । अमेरिकी उपराष्ट्रपति कमला ह्यारिसले पनि नेतन्याहुलाई भेटेकी छिन् । ह्यारिसले गाजामा भइरहेको मृत्युप्रति गम्भीर चिन्ता व्यक्त गरेकी थिइन् ।
आगामी महिनाहरूमा वर्तमान मुद्दाहरूमा राष्ट्रपति बाइडेनसँग काम गर्न आतुर रहेको नेतन्याहुले बताएका छन् । गाजा युद्ध सुरु भएको ९ महिना भइसकेको छ । युद्ध अन्त्य गर्न अन्तर्राष्ट्रिय र राष्ट्रिय स्तरमा नेतन्याहुमाथि धेरै दबाब आइरहेको छ ।
प्रतिक्रिया दिनुहोस
सफल खबर संवाददाता
शुक्रबार, ११ साउन २०८१, ११ : ४५
लेखकबाट थप
सम्बन्धित समाचारहरु
गाजामा शान्तिको प्रयास, युद्धविराम वार्ता पुनः शुरू गर्न इजरायल सहमत
अमेरिकी कंग्रेसमा नेतान्याहूको सम्बोधन, गाजा युद्धको बचाउ
नेतान्याहुको गिरफ्तारी आदेशको निन्दा गर्दै अमेरिकी सांसदले राखे आईसीसीलाई प्रतिबन्ध गर्नुपर्ने माग
इरानी हमलापछि इजरालयका प्रधानमन्त्रीको पहिलो सार्वजनिक प्रतिक्रिया: हामी जित्नेछौं