वासिङ्टन डिसी । अमेरिकी राष्ट्रपति जो बाइडेनले राष्ट्रपतिको निर्वाचनमा आफ्नो उम्मेदवारी फिर्ता लिएर सबैलाई अचम्मित बनाएका छन् । आफ्नो यो निर्णयलाई उनले एकदम सही भनेका छन् ।
आफ्नो ठाउँमा बाइडेनले उप–राष्ट्रपति कमला ह्यारिसलाई समर्थन गरेका छन् । ह्यारिसको पक्षमा धुँवाधार प्रचार गर्ने पनि उनले बताए । बाइडेनले आफ्ना समर्थकहरूलाई आफूलाई गरेको जस्तै समर्थन ह्यारिसलाई गर्न पनि अनुरोध गरे । चुनाव प्रचार प्रसार अभियानको नाम फेरिएको भएपनि मिसन उही रहेको र आफूहरूको मिसन डोनल्ड ट्रम्पलाई हराउनु भएको पनि उनले बताए ।
आफूलाई कोरोना नभएको भए उम्मेदवारी नछाड्ने अनि चुनावी प्रचार प्रसार टिमको साथमा उभिएको हुन्थेँ भनेर पनि उनले बताए । आफ्ना लागि अहिलेसम्म टिमले गरेको कामप्रति आफूलाई गर्व भएको पनि उनले बताए । कोभिडका कारण अझै तीन चार दिनसम्म आफूले मान्छेलाई भेट्न नसक्ने भएपछि छिट्टै आफू आम जनताको बीचमा आउने उनको भनाइ छ ।
बाइडेनले चुनावी प्रचार प्रसार टिमलाई ह्यारिसलाई दिलै देखि समर्थन गर्न र एक जुट भएर ट्रम्पलाई हराउन पनि आग्रह गरेका छन् । ह्यारिस उत्कृष्ट भएको पनि उनले बताए। उम्मेदवारी छाड्ने आफ्नो निर्णय धेरैका लागि छक्कै पार्ने खालको भएपनि आफ्नो निर्णय सही भएकोमा उनले जोड दिएका छन् ।
चुनाव प्रचारको अभियानको नाम फेरिए पनि मिसन उही रहेको र आफूले जमेर ह्यारिसको प्रचार गर्ने पनि उनले बताए । ट्रम्प समुदाय र देशका लागि खतरा भएको र उनी खतराको रूपमा रहिरहेको पनि उनले भनेका छन् ।
बाइडेनले चिठ्ठी लेखेर आइतबार अचानक उम्मेदवारी फिर्ता लिएको घोषणा गरेका थिए । बाइडेनको उमेर, मानसिक स्वास्थ्य लगायत विषयका कारण डेमेक्रेटिक पार्टी भित्रैबाट उम्मेदवारी छाड्न चरम दबाब आइरहेकै समयमा बाइडेनले सो निर्णय गरेका थिए । पार्टीका कयौँ ठुला नेता र कार्यकर्ताहरूले समेत बाइडेनलाई चुनावी दौड छाड्न अनुरोध गरिरहेका थिए ।
प्रतिक्रिया दिनुहोस
सफल खबर संवाददाता
मंगलबार, ०८ साउन २०८१, १४ : १९
लेखकबाट थप
सम्बन्धित समाचारहरु
युक्रेनी ऊर्जा केन्द्रमा भएको रुसी हमलाको बाइडेनद्वारा निन्दा, गरे युक्रेनलाई आफ्नो निरन्तर समर्थन रहने वाचा
रिपब्लिकनले बाइडेनविरुद्ध दर्ता गराए महाभियोग मुद्दा
बाइडेनले सोमबार सर्वोच्च अदालत सुधार योजनाहरू घोषणा गर्ने
राष्ट्रबासीका नाममा सम्बोधन गर्दै अमेरिकी राष्ट्रपति
ट्रम्पलाई कडा चुनौती दिदै ह्यारिस, सर्वेक्षणमा अगाडी
ट्रम्प हावी हुँदै जाँदा उम्मेदवारी फिर्ता लिन बाइडेनलाई पार्टीभित्रै दबाब