काठमाडौं। निर्वाचन आयोगले चौथो रणनीतिक योजना–२०८१/८२ को मस्यौदा तयार गरेको छ ।आयोगले निर्वाचन व्यवस्थापनका क्रममा हालसम्मका रणनीतिक योजनाको समीक्षा गर्दै उक्त मस्यौदा तयार गरेको हो ।उक्त मस्यौदामा सुझाव दिन सार्वजनिक सूचनामार्फत सर्वसाधारणलाई आयोगले आग्रह गरेको हो ।
नेपालको संविधान, निर्वाचन व्यवस्थापनसम्बन्धी कानून तथा अन्तर्राष्ट्रिय मापदण्डका आधारमा स्वच्छ, स्वतन्त्र, निष्पक्ष, समावेशी र विश्वसनीय निर्वाचनका लागि आयोगलाई सक्षम र सुदृढ तुल्याउने ध्येयले आर्थिक वर्ष २०६५/६६ देखि पञ्चवर्षीय योजना लागू भएको थियो ।हाल तेस्रो आवधिक रणनीतिक योजना कार्यान्वयनमा छ ।
हालसम्मका रणनीतिक योजनाको कार्यान्वयनबाट प्राप्त अनुभव, राजनीतिक दल तथा सरोकारवालासँग विभिन्न समयमा गरिएका छलफल, विश्लेषण, समीक्षा र अन्तरक्रियाबाट प्राप्त सुझावका आधारमा मस्यौदा तयार गरिएको आयोगका प्रवक्ता रघुराम विष्टले जानकारी दिए।
उक्त मस्यौदालाई उन्नत बनाउन अगामी साउन ७ गतेभित्र आयोगको सचिवालयमा प्राप्त हुनेगरी सुझाव दिन आयोगले आग्रह गरेको छ ।
प्रतिक्रिया दिनुहोस
सफल खबर संवाददाता
विहीबार, २७ असार २०८१, १६ : ४५
लेखकबाट थप
सम्बन्धित समाचारहरु
संवैधानिक इजलासमा निर्वाचन आयोगविरुद्धका १४ मुद्दाको पेसी
स्थानीय तहमा ३४ पद रिक्त, उपनिर्वाचनको लागि नाम दर्ता गर्न आयोगको आह्वान
उपनिर्वाचनको तयारीबारे प्रधानमन्त्रीसँग निर्वाचन आयोगका पदाधिकारीको छलफल
निर्वाचन आयुक्तमा सिफारिस प्रधानद्वारा कार्ययोजना पेस (पूर्णपाठ)
निर्वाचन आयोगको आयुक्तमा सिफारिस प्रधानविरुद्ध उजुरी आह्वान गर्ने निर्णय
निर्वाचन आयुक्तमा कृष्णमान प्रधान सिफारिस