काठमाडौँ । नेपाली काँग्रेसकी सचेतक सुशीला थिङले उपसभामुख इन्दिरा रानाको अभिव्यक्तिमा प्रश्न उठाएकी छन् । मंगलबार बसेको प्रतिनिधि सभाको बैठकमा बजेटमाथिको छलफलका क्रममा राप्रपाका अध्यक्ष राजेन्द्र लिङदेनले अर्थमन्त्री वर्षमान पुनको उपस्थिति हुनुपर्ने माग गरेका थिए ।
अर्थमन्त्री पुन राष्ट्रिय सभामा सांसदहरूले उठाएका प्रश्नको जवाफ दिन गएका थिए । तर रोष्ट्रममा पुगेर लिङ्देनले अर्थमन्त्रीको उपस्थिति विना नबोल्ने अडान लिए ।त्यसबेला सभाध्यक्ष उपसभामुख इन्दिरा रानाले गरिरहेकी थिइन् । लिङ्देनलाई आफ्नो कुरा राख्न आग्रह गर्ने क्रममा रानाले ‘टुक्का भन्दै गर्नु’ भन्ने शब्द प्रयोग गरेकी थिइन् । उक्त शब्द असंसदीय रहेको भन्दै काँग्रेसकी सचेतक थिङले प्रश्न उठाएकी हुन् ।
‘‘राजेन्द्र लिङ्देनज्यूले रोष्ट्रममा उभिएर बजेटको विषयमाथिको छलफलमा अर्थमन्त्री चाहिन्छ भन्दा सभामुखको आशनबाट नै टुक्का भन्दै गर्नु भन्ने आवाज सुनियो । यो संसदीय मर्यादा भयो कि भएन ? यस्तो असंसदीय अभ्यास नदोहोरियोस्’ सचेतक थिङले भनिन् ।
अर्का प्रतिनिधि सभा सदस्य शान्ति परियारलाई ६ मिनेट समय छुट्याएकोमा साढे तीन मिनेटमै रेकर्ड अफ भएको भन्दै उनले यसलाई पनि असंसदीय अभ्यास भनेकी छन् । यी दुइटा घटना असंसदीय अभ्यास रहेको भन्दै सचेतक थिङले प्रश्न उठाएकी हुन् ।
बजेटमाथि बोल्न रोष्ट्रममा गएका राप्रपा अध्यक्ष लिङ्देनले अर्थमन्त्री पुनलाई नदेखेको भन्दै खोजी गर्दा सभाध्यक्षसँग दोहोरो संवाद जस्तो हुन पुगेको थियो ।
सभाध्यक्ष गरिरहेकी उपसभामुख रानाले अर्थमन्त्री राष्ट्रिय सभा बैठकमा गएको जानकारी गराइन् । सँगै सरकारका प्रतिनिधिका रूपमा खानेपानी मन्त्री राजेन्द्रकुमार राई रहेको बताइन् ।
तर राप्रपा अध्यक्ष लिङ्देनले आफ्ना कुरा अर्थमन्त्रीलाई नै सुनाउनुपर्ने भन्दै अर्थमन्त्री आएपछि मात्रै बोल्ने अडान लिएका थिए ।
प्रतिक्रिया दिनुहोस
सफल खबर संवाददाता
बुधबार, २३ जेठ २०८१, १३ : ४७
लेखकबाट थप
सम्बन्धित समाचारहरु
मैले र गगनले कुलमान हटाउन हुँदैन भनेका थियौं: विश्वप्रकाश शर्मा
देउवा निवास बूढानीलकण्ठमा कांग्रेसको चियापान, शेखर पनि सहभागी
कांग्रेस नेताहरुको सामाजिक सन्जालमा मजाक लाग्दो रोइलो
काँग्रेसको विज्ञान तथा सूचना प्रविधि विभागमा १० सदस्य मनोनीत
भ्रष्टाचारमा दोषी ठहरिएका जिल्ला सभापतिलाई बर्खास्तको माग गर्दै प्रदर्शन
कांग्रेस केन्द्रीय कार्यसम्पादन समितिको बैठक बस्दै