चितवन । चितवनका दुग्ध उत्पादक किसानले गत कात्तिकदेखि दूधको भुक्तानी नपाएको गुनासो गरेका छन् । उनीहरूले ७० करोडभन्दा बढी बक्यौता रहेको बताएका छन् ।
जिल्ला दुग्ध उत्पादक सहकारी सङ्घका अध्यक्ष किशोर वगालेका अनुसार जिल्लाका ४० हजार किसानको भुक्तानी रोकिएको छ । एक सय १४ वटा दुग्ध उत्पादक सहकारीमार्फत सङ्कलन गरिएको दूध खरिद गरेका डेरी उद्योगले भुक्तानी नदिएका हुन् ।
सुजल डेरी पोखराले कात्तिकको भुक्तानी गर्न बाँकी छ । दुग्ध विकास संस्थानको मङ्सिरयताको २२ करोड बाँकी छ भने अन्य २८ वटा डेरी उद्योगले पनि किसानलाई पैसा दिएका छैनन् । जिल्लामा दैनिक तीन लाख ५० हजार लिटर दूध उत्पादन हुने गरेको छ । यहाँ उत्पादित दूधमध्ये एक लाख ५० हजार लिटर जिल्ला बाहिर जाने गरेको छ । जिल्लामा पाँच सयको हाराहारीमा पशुपालन फार्म छन् ।
यहाँ एक लाख गाई र ६० हजारभन्दा बढी भैँसी पालेर दूध उत्पादन हुँदै आएको छ ।
प्रतिक्रिया दिनुहोस
रासस
बुधबार, २३ जेठ २०८१, १२ : ५८
लेखकबाट थप
सम्बन्धित समाचारहरु
दूध उत्पादक किसानलाई तीन करोड अनुदान
कैलाली दूध उत्पादनमा आत्मनिर्भर
दूध बेचेर मासिक लाख आम्दानी
साउन १५ गते देशभरि ९० लाख लिटर दूध खपत
दूध र तरकारीमा आत्मनिर्भर बन्यो बिहादी गाउँपालिका
दूध र गोबर बेचेर मासिक एक लाख ५० हजार