नयाँ दिल्ली । माओवादी प्रभावित छत्तीसगढको नारायणपुरमा भएको भिडन्तमा सुरक्षा बलले आठ सन्दिग्ध माओवादी मारेको दाबी गरेको छ । अन्य माओवादीहरूको खोजी कार्य जारी रहेको र मृतकको सङ्ख्या बढ्न सक्ने प्रहरीले बताएको छ ।
‘बुधवार राति नारायणपुरको रेकावा क्षेत्रमा माओवादी भएको खबर आएपछि नारायणपुर, विजापुर र दन्तेवाडा गरी तीन जिल्लाका बस्तर फाइटर, एसटीएफ र डिस्ट्रिक्ट रिजर्भ गार्डका जवानहरूले अपरेसन सुरु गरेका थिए । अपरेसन बिहीबार बिहान करिब ११ बजे सुरु भएको थियो’ एक उच्च प्रहरी अधिकारीले बीबीसीलाई भनेका छन् ।
बिहीबार दिनभर भिडन्त हुँदा दुवै पक्षबाट गोली हानाहान भएको थियो । यस क्रममा प्रहरीले घटनास्थलबाट शङ्कास्पद सात माओवादीको शव र एउटा अटोमेटिक राइफल बरामद गरेको थियो ।
शुक्रवार बिहान सुरक्षाकर्मीले अर्का एक सन्दिग्ध माओवादीको शव फेला पारेका थिए । प्रहरीका अनुसार सैनिकहरू भिडन्त भएको ठाउँबाट अझै फर्किएका छैनन् । विगत केही महिनादेखि छत्तीसगढमा सन्दिग्ध माओवादीहरू विरुद्ध निरन्तर कारबाही भइरहेको छ ।
अप्रिल २ मा प्रहरीले गङ्गलुर क्षेत्रमा १३ माओवादी मारेको दाबी गरेको थियो । अप्रिल १६ मा काङ्केरको कालपरमा भएको भिडन्तमा २९ माओवादी मारिएको प्रहरीले जनाएको छ ।
नक्सल इतिहासमा छत्तीसगढमा एउटै भिडन्तमा यति ठुलो सङ्ख्यामा माओवादी मारिएको थिएन । प्रहरीले यसअघि अप्रिल ३० मा ताकामेटामा १० र मे १० मा पेडियामा १२ जना माओवादीहरूलाई मारेको दाबी गरेको थियो ।
प्रतिक्रिया दिनुहोस
सफल खबर संवाददाता
शुक्रबार, ११ जेठ २०८१, १४ : २९
लेखकबाट थप
सम्बन्धित समाचारहरु
जनार्दनको सन्दर्भलाई ‘बोल्ड’ गरेर माओवादीले पठायो दोस्रो सर्कुलर
जनार्दनले स्पष्ट पारिसके, पार्टी एकताबद्ध छ : माओवादी
पेरिसडाँडामा माओवादीको उपत्यका प्रदेश पदाधिकारी बैठक जारी
पार्टीको आन्तरिक एकता बलियो बनाउन माओवादी नेतृत्वलाई आग्रह
माओवादीको उपत्यका प्रदेश पदाधिकारी बैठक सुरु
माओवादी बागमती प्रदेश पदाधिकारीको बैठक जारी