बागमती प्रदेश सभाको सर्वदलीय बैठक बस्दै, यी हुन् एजेन्डा

हेटौडा । बागमती प्रदेश सभाको सर्वदलीय बैठक आज (शुक्रबार) बस्दै छ।

ससंसदीय समितिका सभापति टुंगो लगाउने, बजेट अधिवेशन आह्वानसम्बन्धी छलफल गरी संसद्  गतिरोध अन्त्य गर्न सर्वदलीय बैठक बस्न लागेको प्रदेश सभा सचिवालयले जनाएको छ। 

सभामुख भुवनकुमार पाठकले आह्वानमा दिउँसो १ बजे बस्ने बैठकमा संसदीय दलका नेता तथा सचेतकसहितलाई बाेलाइएको छ।

गत चैत १९ गते मुख्यमन्त्री शालिकराम जम्कट्टेलले तेस्रोपटक विश्वासको मत लिएपछि यही वैशाख १२ गते प्रदेशसभाको चालु १३औँ अधिवेशन अन्त्य गरिएको थियो।