नवलपरासीको बर्दघाट पुग्यो रास्वपाको दबाब टोली

बुटवल। ​राष्ट्रिय स्वतन्त्र पार्टी (रास्वपा)का सभापति रवि लामिछानेसहितको दबाब टोली पश्चिम नवलपरासीको बर्दघाट आइपुगेको छ ।बुटवल-नारायण सडक निर्माणमा चरम ढिला सुस्ती भएपछि दबाब दिन सभापति लामिछानेसहितको टोलीलाई बर्दघाटमा पार्टीका स्थानीय नेता कार्यकर्ताहरूले स्वागत गरेका छन् ।

सडक निर्माण भई सकिनुपर्ने समयमा बल्ल ४० प्रतिशत मात्र काम भएपछि पार्टीले दबाब यात्रा गरेका पार्टी जिल्ला संयोजक मदन पौडेलले बताए ।​दबाबमूलक पैदल यात्रा शुरू भएको तेस्रो दिन आज बर्दघाटबाट बुटवल पुगेर यात्रा सकिने छ ।

रविसहितको टिम सोमवार पूर्वी नवलपरासीको गैँडाकोटमा ११३ किलोमिटर यात्रा शुरू गरेको थियो । टोली साँझसम्म बुटवल आइपुग्ने पौडेलले बताए ।

विद्यार्थी, व्यवसायी, शुभचिन्तक एवं सर्वसाधारणहरू बिहानैदेखि चोक चोकमा जम्मा भएर स्वागत गरेका थिए भने बुटवल-नारायणगढ सडक छिटो सम्पन्न गर्न सदनमा आवाज उठाइदिन उनीहरुहरुले आग्रह गरेका छन् ।