_20250413185429.jpg)
काठमाडौँ । विद्यालय शिक्षा विधेयकमा ९१ वटा दफामा सहमति जुटेको छ ।
प्रतिनिधि सभाको शिक्षा, स्वास्थ्य तथा सूचना प्रविधि समितिको उपसमितिले ९१ वटा दफामा दफावार छलफल गरी सहमति जुटाएको हो । अब ७२ वटा दफामा छलफल बाँकी छ । जसमा उपसमितिले छलफल गरेर सहमति जुटाउने प्रयास गरिरहेको छ ।
के-के सहमति भयो भन्नेमा सार्वजनिक गरिएको छैन । शिक्षा समितिकाका अनुसार दैनिक लामो छलफल भइरहेको छ ।
विधेयको १७ सय ५८ वटा संशोधन परेको थियो । द्रुत गतिमा दफावार छलफल भइरहेको छ ।
सबै सुझाव र विधेयकमा रहेको विषयलाई केलाएर दफावार छलफल भइरहेको छ । उपसमितिको बैठक बिहान ११ बजेदेखि साँझ ५ सम्म बस्ने गरेको छ ।
शिक्षकहरूले शिक्षा ऐन जारी गर्न माग गर्दै शैक्षिक हड्ताल गरेर सडक आन्दोलन गरिरहेकाले उपसमितिले धमाधम दफावार छलफल गरिरहेको हो ।
संसद्को आगामी अधिवेशनमा विधेयक संसद्मा पेस गर्ने गरी उपसमितिले काम गरिरहेको छ । उपसमितिले सहमति जुटाएपछि फुल समितिमा र फुल समितिले सभामा पेस गर्ने छ ।
प्रतिक्रिया दिनुहोस
सफल खबर संवाददाता
आइतबार, ३१ चैत्र २०८१, १८ : ५२
लेखकबाट थप