काठमाडौँ । संघीय संसद सचिवालयका एक महिला शाखा अधिकृतलाई झापड हान्ने उपसचिवलाई कारबाहीको तयारी भएको छ । संसद सचिवालयका उपसचिव रामप्रसाद गैरेले एउटा प्रतिवेदनमा आफ्नो नाम छुटाएको भन्दै एक महिला शाखा अधिकृतलाई झापड हानेका थिए ।
मंसिर तेस्रो साता भएको उक्त घटना प्रतिनिधि सभाका उपसभामुख इन्दिरा राना मगर समक्ष पुगेको थियो । घटनाबारे थाहा पाएपछि उपसभामुख राना मगरले उपसचिव गैरेसँग सोधपुछ गरेकी थिइन् । घटनाबारे गैरेले माफी समेत मागेका थिए ।
घटना बाहिर आएपछि यसबारेमा संसद सचिवालयको प्रशासनले उपसचिव गैरेसँग स्पष्टीकरण सोधेको थियो । त्यसकै आधारमा संघीय संसद सचिवालय ऐन २०६४ को दफा ८३ अनुसार गैरेमाथि कारबाहीको तयारी भएको सचिवालय स्रोतले जनाएको छ । यो दफा अनुसार कारबाही भएमा उनको दुई वर्षदेखि पाँच वर्षसम्म बढुवा रोक्का वा दुई वर्षदेखि पाँच वर्षसम्म तलबवृद्धि रोक्का हुने छ ।
प्रतिक्रिया दिनुहोस
सफल खबर संवाददाता
शुक्रबार, ०६ पुस २०८०, १३ : ०८
लेखकबाट थप