गाडीको ठक्करबाट मोटरसाइकलमा सवार बाबु-छोरी घाइते

काठमाडौ । काभ्रेको धुलिखेलमा आज बिहान टेलर गाडीको ठक्करबाट मोटरसाइकलमा सवार बाबुछोरी घाइते भएका छन्। 

शुक्रबार बिहान पौने आठ बजे धुलिखेल-८ जिपलाईन नजिकै अरनिको राजमार्गमा धुलिखेलबाट खावातर्फ जाँदै गरेको लु ६५ प ३९७५ नम्बरको मोटरसाइकलाई सोही दिशातर्फ जाँदै गरेको ना ३ ख ७६७९ नम्बरको टेलर गाडिले पछाडिबाट ठक्कर दिँदा दुर्घटना भएको हो। 

ठक्करबाट मोटरसाइकलमा सवार काठमाडौँ बौद्धका ५२ वर्षीय ब्यास कार्की र उनकी २३ वर्षीया छोरी सिर्जना कार्की घाइते भएका जिल्ला प्रहरी कार्यालय काभ्रेले जनाएको छ।

घाइतेमध्ये सिर्जनाको अवस्था गम्भीर छ। उनीहरुलाई प्रहरीले उपचारको लागि धुलिखेल अस्पताल पुर्याएको छ।दुवै सवारी साधन र टेलर चालकलाई नियन्त्रणमा राखेर अनुसन्धान सुरु गरिएको प्रहरीले जनाएको छ।