विश्वकप क्रिकेटमा भारत र श्रीलंका भिडदै

एजेन्सी  । भारतमा जारी विश्वकप एक दिवसीय क्रिकेटको ३३ औँ खेलमा आज भारतले श्रीलंकासँग खेल्दैछ । खेल दिउँसो २ः१५ बजेदेखि मुम्बईको वानखेडे स्टेडियममा शुरु हुँदैछ । 

यो खेल जित्दा भारतले सेमिफाइनल पक्का गर्नेछ । पराजित हुँदा पनि उसको सेमिफाइनल सुरक्षित जस्तै नै छ । 

श्रीलंका भने लगभग बाहिरिएको छ । तर झिनो आशा बाँकी राख्न भने आजको खेल जित्नै पर्छ । हारले अंकगणित पनि समाप्त हुनेछ । 

हेड टु हेड–

आज हुने मैदानमा १२ वर्षअघि भारतले विश्वकप जितेको थियो । भारत र श्रीलंकाबीच १६७ खेल आपसमा भएको छ । भारतले ९८ तथा श्रीलंकाले ५७ जितेको थियो । ११ खेल नतिजाविहीन भएको छ भने एक खेल टाइ भएको छ । 

विश्वकपमा आपसमा ९ खेल भएकामा भारत र श्रीलंकाले ४–४ खेल जितेका छन् । एक खेल नतिजाविहीन भएका छन् । 

पछिल्लो समय एसिया कपको फाइनलमा भारत १० विकेटले विजयी भएको थियो । 

अंक तालिका
७ खेलबाट १२ अंकसहित दक्षिण अफ्रिका शीर्ष स्थानमा रहेको छ । ६ खेलबाट १२ अंकसहित भारत दोस्रो स्थानमा रहेको छ । 

६ खेलबाट ८ अंकसहित अष्ट्रेलिया तेस्रोे स्थानमा छ । ७ खेलबाट ८ अंकसहित न्यूजिल्याण्ड चौथो स्थानमा रहेको छ ।

पाकिस्तान ७ खेलबाट ६ अंकसहित पाँचौँ स्थानमा रहेको छ । अफगानिस्तान ६ खेलबाट ६ अंकसहित छैटौँ स्थानमा रहेको छ । श्रीलंका ६ खेलबाट ४ अंकसहित सातौँ स्थानमा रहेको छ । 

नेदरल्याण्ड्स ६ खेलबाट ४ अंकसहित नेदरल्याण्ड्स आठौँ स्थानमा छ ।

बंगलादेश ७ खेलबाट २ अंकसहित नवौँ स्थानमा रहेको छ । इङ्गल्याण्ड ६ खेलबाट २ अंकसहित दशौँ स्थानमा रहेको छ ।