एजेन्सी । विश्वकप क्रिकेट जित्ने टोलीले कति पुरस्कार राशि पाउँछ?
अन्तर्राष्ट्रिय क्रिकेट परिषद् अर्थात् आईसीसीले यसबारे जानकारी दिएको छ।आईसीसीले विजेता टोली र अन्य टोलीलाई पुरस्कार राशि दिने घोषणा गरेको छ।
आईसीसीले जारी गरेको विज्ञप्तिअनुसार विजेता टोलीलाई ट्रफीसँगै ४० लाख डलर अर्थात् नेपाली रुपैयाँ ५३ करोड ५ लाख ४५ हजार ६ सय पुरस्कार दिइनेछ।
यस्तै उपविजेता टोलीका लागि २० लाख डलर अर्थात् २६ करोड ५२ लाख ७२ हजार ८ सय रुपैयाँ विनियोजन गरिएको छ। त्यसैगरी प्रतियोगिताको सेमिफाइनलमा पराजित दुई टोलीलाई ८–८ लाख डलर अर्थात् नेपाली १० करोड ६१ लाख ९ हजार १ सय २० रुपैयाँ दिइनेछ।
यस्तै समूह चरणबाट बाहिरिने प्रत्येक ६ टोलीलाई १ लाख डलर अर्थात् १ करोड ३२ लाख ६३ हजार ६४० रुपैयाँ दिइनेछ। समूह चरणमा जितेका प्रत्येक टोलीलाई ४० हजार डलर अर्थात् ५३ लाख ५ हजार ४५६ रुपैयाँ पुरस्कार दिइनेछ।
उक्त प्रतियोगितामा कूल १ करोड डलर अर्थात् १ अर्ब ३२ करोड ६३ लाख ६४ हजार रुपैयाँ पुरस्कार वितरण गरिने छ। १३औँ संस्करणको विश्वकप क्रिकेट प्रतियोगितामा १० देश सहभागी हुनेछन्।
अक्टोबर ५ मा सुरु हुने यस प्रतियोगिताको फाइनल खेल नोभेम्बर १९ मा भारतस्थित अहमदाबादको नरेन्द्र मोदी स्टेडियममा हुनेछ
प्रतिक्रिया दिनुहोस
एजेन्सी
शनिबार, ०६ असोज २०८०, ०८ : २४
लेखकबाट थप
सम्बन्धित समाचारहरु
अफगानिस्तानसँगको रोमाञ्चक खेलमा नेपाल एक रनले पराजित
क्रिकेट खेल्न गएका बालक पोखरीमा बिलाए
पीएम कप क्रिकेटमा आज दुई खेल हुँदै
क्रिकेट खेलाडी ऐरीलाई गृहनगरमा सम्मान
गुप्तिलले लिए अन्तर्राष्ट्रिय क्रिकेटबाट सन्यास
प्रधानमन्त्री कप महिला क्रिकेट आजदेखि