इजरायल र प्यालेस्टाइनबीच द्वन्द्व बढ्दै

एजेन्सी । प्यालेस्टाइनका बन्दुकधारीको कब्जामा रहेको वेस्ट बैंक शहरमा आक्रमणमा परी एक इजरायली महिलाको मृत्यु भएको छ । सोमवार साँझ एक प्यालेस्टाइनका बन्दुकधारीले आक्रमण गर्दा एक महिलाको मृत्यु भएको हो भने अर्का एक व्यक्ति गम्भीर घाईते भएको इजरायली सेनाले जनाएको हो । सेनाका अनुसार बन्दुकधारीले हेबोनको वेस्ट बैंक शहरको दक्षिणमा रहेको बेइट हागाईको यहुदी बस्ती बाहिर कारमा रहेका दम्पतीलाई गोली हान्दा महिलाको मृत्यु भएको र पुरुष भने गम्भीर घाइते भएका छन् । एक ६ वर्षीय बालिका पनि कारमा रहेको तर उनलाई कुनै चोटपटक नलागेको बताइएको छ । सेनाले गोली हानी हत्या गर्ने व्यक्तिको खोजी गरिरहेको र सो क्षेत्रका सीमा बन्द गरिएको जनाएको छ ।

यो घटना वेस्ट बैंकमा इजरायली र प्यालेस्टाइन नागरिकबीच बढीरहेको तनावका कारण भएको हो । गत शनिवार प्यालेस्टाइनको शहर हवारा नजिक एक कार वासमा इजराइली नागरिक बुबा र छोराको गोली हानेर हत्या भएको थियो । इजरायल र प्यालेस्टाइनबीच पछिल्लो समय द्वन्द्व भड्किरहेको छ । सो घटनापछि प्यालेस्टाइन र इजरायलको वेस्ट बैंक सीमानामा आन्दोलन भइरहेको छ । जसमा १२ जना प्यालेस्टाइनी सैनिक घाइते भएका छन् भने ।

जनवरीदेखि अहिलेसम्म प्यालेस्टाइनी नागरिकद्वारा भएको आक्रमणमा परी ३३ इजरायली नागरिकको मृत्यु भएको छ । त्यस्तै सोही अवधिमा २ सय बढी प्यालेस्टाइनी नागरिक इजरायलीद्वारा मारिएका छन् ।