मधेशमा मन्त्रिपरिषद् पुनर्गठन, समिम र सिंह बने मन्त्रि

जनकपुरधाम। मधेश प्रदेशको मन्त्रिपरिषद पुनर्गठन गरिएको छ। मुख्यमन्त्री सरोज कुमार यादवले सोमबार रिक्त रहेका दुई मन्त्रालयमा मन्त्री नियुक्त गरेका हुन्। 

प्रदेशको गृह सञ्चार तथा कानुन मन्त्रालयको जिम्मेवारी कांग्रेसका मोहमद समिमले पाएका छन् भने  श्रम तथा यातायात मन्त्रालयको जिम्मेवारी जनमत पार्टीका चन्दन सिंहले सम्हाल्ने भएका छन् । नवनियुक्त मन्त्रीद्वयले प्रदेश प्रमुख हरिशंकर मिश्रबाट पद तथा गोपनीयताको शपथ पनि लिएका छन्।

मुख्यमन्त्री यादवले छैंटौं पटक सरकार विस्तार गरेका हुन् । यसअघि विनाविभागीय मन्त्री बसन्त कुशवाहा र राज्यमन्त्री सञ्जय यादवले राजीनामा दिएका थिए ।