एसईईमा चितवनको नारायणी नमुना माविको उत्कृष्ट नतिजा, एक छात्रले ल्याए ४ जीपीए

चितवन । चितवनको भरतपुरमा रहेको नारायणी नमुना माविले यस वर्ष पनि एसईईमा उत्कृष्ट नतिजा हासिल गरेको छ ।

विद्यालयका विद्यार्थी प्रशान्त लौडारीले ४ जीपीए ल्याएका छन् भने अन्य विद्यार्थीको नतिजा पनि उत्कृष्ट रहेको विद्यालयले जनाएको छ ।

३७४ जनाले एसईई दिएकोमा २ जना बाहेक सबै उतीर्ण भएका छन् । ३.६ देखि ४ जीपीए ल्याउने ६८ जना, ३.२ देखि ३.६ जीपीए ल्याउने १०२ जना २.८ देखि ३.२ जीपीए ल्याउने ८९ जना, २.४ देखि २.८ जीपीए ल्याउने ६४ जना, २ देखि २.४ जीपीए ल्याउने ४० जना र १.६ देखि २ जीपीए ल्याउने ७ जना रहेको विद्यालयका प्रधानाध्यापक रामशरण दुवाडीले जानकारी दिए ।

उनका अनुसार १.६ भन्दा कम जीपीए ल्याउने दुई जना विद्यार्थी छन् । गत वर्ष पनि नारायणी नमुना माविका एक विद्यार्थीले ४ जीपीए ल्याएका थिए । गत वर्षको जस्तै नतिजा यस वर्ष पनि विद्यालयले प्राप्त गरेको दुवाडीले बताए ।