काठमाडौँ । नेपाली कांग्रेसले टीआरसी अर्थात बेपत्ता पारिएका व्यक्तिको छानबिन, सत्य निरुपण तथा मेलमिलाप आयोग ऐन, २०७१ लाई संशोधन गर्न बनेको विधेयकबारे छलफल गरेको छ । कांग्रेस संसदीय दलको आयोजनामा मंगलबार सिंहदरबारमा विज्ञहरुले कांग्रेस सांसदहरूलाई प्रशिक्षण दिइरहेका छन् । जसअनुसार बेपत्ता पारिएका व्यक्तिको छानबिन आयोगका पूर्वसदस्य गंगाधर अधिकारीले आयोगबाट हालसम्म भएका र अब गर्नुपर्ने विषयमा प्रकाश पार्ने कार्यक्रम रहेको छ ।
यस्तै संवैधानिक कानुन व्यवसायी मञ्चका पूर्वअध्यक्ष राजु चापागाईँले ऐनमाथिको संशोधनको आवश्यकता र अन्तर्राष्ट्रिय सन्दर्भबारे केन्द्र्रित रहेर प्रशिक्षण दिँदा सत्य निरुपण तथा मेलमिलाप आयोगका पूर्वअध्यक्ष गणेशदत्त भट्टले आयोगले गरेका काम, अबको बाटो र कानुनमा अन्तर्राष्ट्रिय चासोबारे केन्द्रित रहेर कार्यपत्र प्रस्तुत गर्ने कांग्रेसले जनाएको छ । यसैगरी वरिष्ठ अधिवक्ता राधेश्वाम अधिकारी र कांग्रेस नेता डा मिनेन्द्र रिजालले संसदमा प्रस्तुत सशोधन विधेयकको आवश्यकताबारे प्रशिक्षण दिने कांग्रेसले जनाएको छ। टीआरसीबारेको विधेयक संसदमा विचाराधीन रहेको अवस्थामा कांग्रेसले आन्तरिक छलफल गरेको हो ।
प्रतिक्रिया दिनुहोस
सफल खबर संवाददाता
मंगलबार, १४ चैत्र २०७९, १५ : ३५
लेखकबाट थप
सम्बन्धित समाचारहरु
मैले र गगनले कुलमान हटाउन हुँदैन भनेका थियौं: विश्वप्रकाश शर्मा
देउवा निवास बूढानीलकण्ठमा कांग्रेसको चियापान, शेखर पनि सहभागी
कांग्रेस नेताहरुको सामाजिक सन्जालमा मजाक लाग्दो रोइलो
काँग्रेसको विज्ञान तथा सूचना प्रविधि विभागमा १० सदस्य मनोनीत
भ्रष्टाचारमा दोषी ठहरिएका जिल्ला सभापतिलाई बर्खास्तको माग गर्दै प्रदर्शन
कांग्रेस केन्द्रीय कार्यसम्पादन समितिको बैठक बस्दै