भारतको चर्चित बुराडी कान्डपछि झारखण्डको हजारीबाग जिल्लामा पनि यस्तै प्रकृतिको घटना सार्वजनिक भएको छ । झारखण्डको अजारी बाग जिल्लामा शनिबार राती मारवाडी परिवारका ६ सदस्यले कथित रुपमा आत्महत्या गरेका छन् । न्यूज एजेन्सी एएनआईका अनुसार एकै परिवार पाँच जना झुण्डिए भने एकले छतबाट हाम फालेर आत्महत्या गरे ।
एक रिपोर्ट अनुसार घटनास्थलमा पुलिस पुग्दा त्यहाँ ६ जनाको मृत्यु भएको पाइयो जसमध्ये दुई पुरुष, दुई महिला र दुई बच्चाहरु थिए । पुलिसलाई छिमेकीले घटनाबारे जानकारी दिएका हुन् ।
पुलिसका अनुसार घटनास्थलबाट उनीहरुले एउटा नोट पनि बरामद गरेका छन् जसमा ड्राइ फ्रुटको पसल चलाउने उक्त परिवार ऋण र व्यापार घाटाका कारण अत्यधिक दबाबमा परेको लेखिएको छ । पुलिसले यसबारे अनुसन्धान गरिरहेकाले अहिले नै यसबारे निष्कर्ष निकाल्न नमिल्ने बताएको छ ।
आत्महत्या गर्नेमा ७० वर्षे महावीर महेश्वरी र ६५ वर्षीया उनकी श्रीमती किरण महेश्वरीलगायत उनीहरुका ४० वर्षे नरेश अग्रवाल, ३८ वर्षे उनकी श्रीमती र उनीहरुका दुई सन्तान ८ वर्षे अमन र ६ वर्षे अंजली रहेका छन् ।
एक महिनाको अन्तरालमा पूरै परिवार मृत पाइएको भारतमा यो दोस्रो घटना हो । जूलाई महिनाको सुरुवातमा बुराडी परिवारका ११ सदस्य मृत पाइएका थिए ।
प्रतिक्रिया दिनुहोस
एजेन्सी
आइतबार, ३१ असार २०७५, १४ : ५२
लेखकबाट थप