चलचित्र ‘बिहेपास’काे टिजर सार्वजनिक

काठमाडौं । अभिनेता दयाहाङ राई र अभिनेत्री प्रकृति श्रेष्ठको मुख्य भूमिका रहेको चलचित्र ‘बिहेपास’को आधिकारिक टिजर सार्वजनिक भएको छ ।

प्रेमकथामा आधारित यो चलचित्रमा पहिलोपटक दयाहाङ र प्रकृतिले स्क्रिन सेयर गरेका छन् । विवाहपछि श्रीमानसँगै अष्ट्रेलिया बस्दै आएकी प्रकृति लामो समय चलचित्रबाट टाढिइन् । उनको डेब्यु चलचित्र ‘होस्टल’बाट गरेकी थिइन् ।

प्रवेश पौडेलद्वारा निर्देशित चलचित्रमा दयाहाङ र प्रकृतिको अलवा शिशिर बाङ्देल, बुद्धि तामाङ र रविन्द्र झाको पनि अभिनय रहेको छ । रोजन श्रेष्ठले निर्माण गरेको चलचित्रको कार्यकारी निर्माता भने रत्न श्रेष्ठ हुन् ।

उक्त टिजरमा विवाहको लागि युवतीको मन जित्न प्रमुख पात्रले बुन्ने योजना र यर्थात थाहा पाएपछि आउने उतारचढावलाई कथामा आधारित बनाएर देखाइएको छ ।

चलचित्र बैशाख १ गते प्रदर्शनमा आउने भएकाे छ ।