‘छड्के २’को प्रोमोशनल अडियो एल्बम सार्वजनिक

काठमाडौं । फागुन १९ मा प्रदर्शन हुन लागेकाे चलचित्र ‘छड्के २’को प्रोमोसनल अडियो एल्बम सार्वजनिक भएको छ ।

६ हिप -हप गीत समावेश एल्बमले चलचित्रको कथा र पात्रहरुको मनोभाव र परिस्थिति बोल्दछ । ‘मेधा’ युट्युब च्यानलबाट सार्वजनिक भएका अडियो ट्रयाकले चलचित्रको काहानी बोलेको छ ।

एभिलाइभ, रिवटकोबैन, एडविन बिट्सले कम्पोज गरेका गीतमा न्यास्टीले पर्फम गरेका छन् ।अनमोल केसीको मुख्य भूमिका रहेको चलचित्रलाई निगम श्रेष्ठको लेखन तथा निर्देशन गरेका हुन् । बुधबार रिलिज हुने चलचित्रको ट्रेलरलाई लिएर दर्शक व्यग्र प्रतिक्षामा छन् ।

यसअघि सार्वजनिक पोस्टर र टिजरले चलचित्र उत्कृष्ट बनेको अनुमान गरेका छन् । टिजरलाई करिब १९ लाखले हेरिसकेका छन् । अनमोल पहिलो पटक ग्याङस्टर भूमिकामा देखिएका हुन्।

अनमोलसँगै चलचित्रमा रोविन तामाङ, कमलमणि नेपाल, देवकुमार श्रेष्ठ, सृजना सुब्बा, देवु श्रेष्ठलगायतका कलाकारहरुको अभिनय रहेकाे छ ।