झापा प्रहरीद्वारा अवैध सामग्री बरामद

काठमाडौं । झापा प्रहरीले भन्सार छल्न लुकीछिपाई ल्याइरहेको अवैध सामग्री बरामद गरेको छ । प्रहरी चौकी मेचीपारिबाट खटेको प्रहरी टोलीले सो सामान बिहीबार बरामद गरेको हो । 

प्रहरी चौकी मेचीपारिबाट खटिएको प्रहरी टोलीले झापा भद्रपुर नगरपालिका ३ मेची नदी किनारस्थित भारतबाट अवैध रुपमा भन्सार छली नेपालतर्फ ल्याउदैगरेको सुर्ति ११ बोरा, पापड १६ प्याकेट, खाने तेल १ टिन, नाइलनको डोरी १ पोका, कलको जिब्रि २ प्याकेट र सामान ल्याउन प्रयोग भएको साइकल ५ थान गरी अन्दाजी ५५ हजार रुपियाँ बरावरको सामग्री बरामद गरेको छ ।

बरामद भएको सामान भद्रपुर भन्सार कार्यालय पठाइएको झापा प्रहरीका सूचना अधिकारी तथा प्रवक्ता वसन्त पाठकले बताए । नियमित रुपमा केही व्यापारीले सीमापारितबाट सामान अवैधरुपमा ल्याउनेगरेको सूचनाका आधारमा प्रहरी टोली नियमित गस्तिमा रहेको उनले बताए ।