नयाँ सरकार निर्माणमा अनिर्णयको बन्दी नबन्ने राप्रपाको निर्णय

काठमाडौं । राप्रपा नयाँ सरकार निर्माणमा अनिर्णयको बन्दी नबन्ने भएको छ ।आइतबार बसेको पार्टी पदाधिकारीको बैठकले नयाँ सरकार निर्माणका लागि अनिर्णयको बन्दी नबन्ने निर्णय गरेको हो । 

एमाले अध्यक्ष केपी ओली निवास बालकोटमा नयाँ सरकार गठनबारे छलफलपछि राप्रपाले पदाधिकारी बैठक डाकेको थियो । सो बैठकले नयाँ सरकार बनाउन संख्या नपुग्ने अवस्थामा अनिर्णयको बन्दी नबन्ने निर्णय गरेको महामन्त्री भुवन पाठकले जानकारी दिए ।

 उनका अनुसार राप्रपाले नेकपा माओवादी केन्द्रका अध्यक्ष पुष्पकमल दाहाल  प्रचण्डलाई प्रधानमन्त्री बनाउन सहयोग गर्ने निर्णय गरेको छ ।