उपनिर्वाचनको नतिजाबारे अध्ययन गर्न राप्रपाले बनायो समिति

काठमाडौ । स्थानीय तह उपनिर्वाचनमा प्रप्त नतिजापछिको अवस्थाबारे अध्ययनका लागि राप्रपाले एक समिति गठन गरेको छ ।  

राप्रपाको कार्यसम्पादन समितिको शनिबार बसेको बैठकले स्थानीय तहको उपनिर्वाचनमा भएको तहगत कमजोरी र त्यसले परिणाममा पारेको प्रभावबारे अध्ययन गरी प्रतिवेदन पेस गर्न संगठन विभागका प्रमुख तथा वरिष्ठ नेता बुद्धिमान तामाङको संयोजकत्वमा तीन सदस्यीय समिति गठन गरेको हो । 

समितिमा बागमती प्रदेश कार्यसमितिका अध्यक्ष विक्रमबहादुर थापा र लुम्बिनी प्रदेश कार्यसमितिका अध्यक्ष प्रदीपकुमार उदय सदस्य रहेको प्रवक्ता मोहन श्रेष्ठले बताए । 

बैठकमा मङ्सिर १६ मा सम्पन्न उपनिर्वाचनको गम्भीरतापूर्वक समीक्षा समेत भएको श्रेष्ठले बताए ।