चलचित्र ‘म राजेश हमाल’ चैत १० मा प्रदर्शन हुने

काठमाडौं । नेपाली कथानक चलचित्र ‘म राजेश हमाल’ आगामी चैत १० गते देखि प्रदर्शन हुने भएको छ । चलचित्रको फष्टलुक पोस्टर सार्वजनिक गर्दै निर्माण टिमले प्रदर्शन मिति सार्वजनिक गरेको हो । निर्देशक जोन योञ्जनको निर्देशन रहेको उक्त चलचित्रमा योञ्जनकै कथा रहेको छ ।

चलचित्र ‘म राजेश हमाल’ मा सञ्चिता लुँइटेल, मुकुन भुसाल, महेश त्रिपाठी, एभोन राज उप्रेती, संजोग रसाइली र अस्मिता लामिछानेको अभिनय रहेको छ । अभिनेता आर्यन सिग्देल चलचित्रमा विशेष भूमिकामा देखिने छन् ।

चलचित्रमा आलोक शुक्लाको छायाँकन, भिम विश्वकर्माको सम्पादन, मणि रत्न त्रिपाठिको साउण्ड डिजाइन रहेको छ । किरण कुमार महर्जन सह-निर्माता रहेको चलचित्रको जीवलाल भुषाल, नविन भुषाल र श्रृषा भुषाल कार्यकारि निर्माता हुन् ।

दिपक आर.जे र कमल रेग्मीको संगीत रहेको उक्त चलचित्रमा महानायक राजेश हमालको विषयबस्तु उठाउन खोजिएको छ ।