प्रहरीकै मिलोमतोमा कैदी भगाएको पुष्टि

दाङ । घोराही कारागारमा जन्मकैद सजाय भोगिरहेका कैदी फरार भएको घटनामा प्रहरीकै संलग्नता रहेको अनुसन्धानका क्रममा खुलेको छ ।

एक प्रहरीजवानसहित अन्य पाँच जनाको मिलोमतोमा कैदी यमराज परियारलाई भगाइएको खुलेपछि डिएसपीको मुकुन्द रिजाललको कमाण्डमा प्रहरी परिचालन गरिएको एसपी सुरेश काफ्लले अनलाइनखबरलाई बताए ।

जिल्ला प्रहरी प्रमुख काफ्लेका अनुसार बिहीवार उपचारका लागि अस्पताल लगिएको अवस्थामा प्रहरीकै मोटरसाइकल लिएर फारर भएको घटनामा संलग्न प्रहरीजवानसहित तीन जनालाई पक्राउ गरिएको छ ।

बाँकी दुई जनाको भने खोजी कार्य भइरहेको प्रहरी प्रमुख काफ्लले बताए । प्रहरी जवान चौधरीलाई हिजो नै हिरासतमा राखिएको थियो । आज थप दुई जनालाई पक्राउ गरिएको छ । उनीहरुको नाम भने खुलाइएको छैन ।

कर्तव्य ज्यान मुुद्धामा २० वर्ष कैद तोकिएका राजपुर गाउँपालिका ३ घर भएका २९ वर्षीय यामराज परियार छाला उपचार गर्न बिहीबार राप्ती स्वास्थ्य विज्ञान प्रतिष्ठान घोराहीमा पुगेको अवस्थामा प्रहरीकै मोटरसाइकल लिएर भागेका थिए ।