काठमाडौं । माओवादीबाट एमालेमा समाहित भएका नेताहरुले नयाँ केन्द्रिय कमिटिमा तीन पदाधिकारी सहित ३५ केन्द्रिय सदस्य माग गरेको छ ।
रामबहादुर थापा बदालसहित शनिबार बसेको पूर्वमाओवादी नेताहरूको बैठकले आफ्नो समूहबाट कम्तीमा तीन पदाधिकारी र ३५ जना केन्द्रीय सदस्य बनाइनुपर्ने निष्कर्ष निकालेको हो ।
स्थायी कमिटी सदस्य टोपबहादुर रायमाझीका अनुसार उपाध्यक्ष, उपमहासचिव र सचिव तथा ३५ जना केन्द्रीय सदस्य दिनुपर्ने माग गरिएको हो। यस विषयमा नेता थापा, रायमाझी, लेखराज भट्ट, मणि थापा र प्रभु साह ओलीसँग छलफलमा छन्।
ओली बसेकै होटलमा तिनै नेता पुगेका छन् । उपाध्यक्ष रामबहादुर थापा, उपमहासचिव रायमाझी र सचिव भट्टलाई बनाउनुपर्नेगरी सूची पेस गरिएको छ। यसैगरी कम्तीमा ३५ जना केन्द्रीय सदस्य आफ्नो समूहबाट बनाइनुपर्ने माग उनीहरूले गरेका छन्।
प्रतिक्रिया दिनुहोस
सफल खबर संवाददाता
आइतबार, १२ मंसिर २०७८, ११ : ३७
लेखकबाट थप