चितवन । पछिल्लो २४ घन्टामा चितवनका विभिन्न अस्पतालबाट पाँच जना कोरोना संक्रमितको मृत्यु भएको छ ।
यहाँका अस्पतालबाट पछिल्लो २४ घन्टामा ३६ जनाले कोरोनालाई जितेर घर फर्केका छन् । भरतपुर अस्पतालमा ३ जना, चितवन मेडिकल कलेजमा १ र पुरानो मेडिकल कलेजमा एक जना संक्रमितको मृत्यु भएको स्वास्थ्य कार्यालय चितवनले जनाएको छ ।
चितवनका अस्पतालमा ६९ जना संक्रमितको आइसियुमा उपचार भइरहेको छ । ११ जना संक्रमितको भेन्टिलेटरमा राखेर उपचार गरिएको स्वास्थ्य कार्यालयले दिएको विवरणमा उल्लेख छ ।
चितवनका विभिन्न अस्पतालमा २१३ जना संक्रमितको उपचार भइरहेको छ । चितवनमा पछिल्लो २४ घन्टामा ८२ जना संक्रमणमुक्त हुँदा एक सय जना नयाँ कोरोना संक्रमित थपिएका छन् ।
प्रतिक्रिया दिनुहोस
सफल खबर संवाददाता
विहीबार, २४ असार २०७८, १४ : १५
लेखकबाट थप