मकवानपुर । मकवानपुरको रातोमाटेमा दुई वटा ट्रक ठोक्किएर दुर्घटना हुँदा दुई जनाको मृत्यु भएको छ । पुर्व पश्चिम राजमार्ग अन्तर्गत पर्ने हेटौंडा उपमहानगरपालिका वडा नम्बर–१५ रातमाटेमा दुईवटा ट्रक ठोक्किएर दुर्घटना हुँदा दुई जनाको मृत्यु भएको हो भने अर्का दुई जना घाइते भएका छन् ।
प्लास्टिकको सामान बनाउन मेसिन लोड गरेर बिरगंजबाट हेटौंडातर्फ आउदै गरेको ना ५ ख ५९६३ नम्बरको ट्रकले चामल लोड गरि सोही दिसाबाट आउँदै गरेको ना ५ ख १८६४ नम्बरको ट्रकलाई ठक्कर दिँदा दुर्घटना भएको जिल्ला प्रहरी कार्यालय मकवानपुरका प्रवक्ता प्रहरी नायव उपरीक्षक (डिएसपी) जयश्वर रिमालले जानकारी दिए ।
मृत्यु हुनेमा अन्दाजी ३० र ३५ वर्षका ठक्कर दिने ट्रकको चालक र सहचालक रहेको जिल्ला प्रहरी कार्यालय मकवानपुरले जनाएको छ । उनिहरुको पहिचान भने खुल्न सकेको छैन ।दुर्घटनामा घाइते भएका उनीहरुको उपचारको क्रममा हेटौंडा–१ मा रहेको सन्चो अस्पतालमा मृत्यु भएको डिएसपी रिमालले जानकारी दिए ।
उनका अनुसार दुर्घटनामा ना ५ ख १८६४ नम्बरको ट्रक चालक बारा कोल्हवी–१० का ५० बर्षीय धुर्व चौधरी र सोही ट्रकका सहचालक रौतहट गजुरा –८ का २० बर्षीय बिकेस चौधरी घाइते भएका छन् । उनीहरुको चुरेहिल अस्पतालमा उपचार भईरहेको जनाइएको छ ।
प्रतिक्रिया दिनुहोस
सफल खबर संवाददाता
विहीबार, २० जेठ २०७८, ०८ : ००
लेखकबाट थप
सम्बन्धित समाचारहरु
पोखरीमा डुबेर १४ वर्षीय किशोरको मृत्यु
ग्यास बुलेटले ठक्कर दिँदा साइकलयात्रीको मृत्यु
छुट्टाछुट्टै स्थानमा डुबेर दुई जनाको मृत्यु
चीनमा चक्कु प्रहारबाट १० वर्षीय बालकको मृत्यु
राउटे समुदायका एक युवकको मृत्यु, १३४ मा झर्यो जनसङ्ख्या
पेजर–वाकी टकी विस्फोटमा लेबनानमा अहिलेसम्म ३२ जनाको मृत्यु