काठमाडौं । लकडाउनको हल्लासँगै नेप्से परिसूचक भारी अंकले घटेको छ । आइतबार परिसूचक ७५.७९ अंकले घटेर २५७२.२२ विन्दुमा रोकिएको छ ।
आइतबार १ करोड ४६ लाख ९० हजार ७२० कित्तामा ७ अर्ब २८ करोड ४१ लाख ९४ हजार ९०१ रुपैयाँ बराबरको कारोबार भएको छ । सबैभन्दा धेरै नेपाल इन्फ्रास्ट्रकचर बैंकको कारोबार ३९ करोड रुपैयाँ बराबरको भएको छ । यसैगरी ज्योति लाइफ इन्स्योरेन्सको ३३ करोड रुपैयाँ बारबरको भएको छ ।
सबैभन्दा धेरै कुमारी बैंकको प्रमोटर शेयरले कमाएको छ । यसैगरी महिला लघुवित्त र विशाल बजार कम्पनीको शेयर मूल्य करीब १० प्रतिशतले बढेको छ । चन्द्रागिरीको शेयर मूल्य सबैभन्दा धेरै करिब ९ प्रतिशतले घटेको छ । आज सबै समूहको उपपरिसूचक रातो भएको छ ।
लगानीकर्ता विमल पाण्डेका अनुसार लकडाउनको डरले ठूला लगानीकर्ता निस्क्रिय भएको र सानाहरु आत्तिदा नेप्सेमा गिरावट आएको हो ।‘बजारमा लकडाउनको हल्ला छ । तर, डर मान्नु पर्ने अवस्था छैन । २६०० माथि पुगेको बजारमा २० र ५० को अंकले घटबढ भइरहन्छ,’ उनले भने । उनका अनुसार बजारमा धेरै प्रतिशतमा कारोबार रकम घट्यो भने अलि डराउनु पर्छ नभए लगानीकर्ताले यस्तो घटबढलाई सामान्य मान्नु पर्छ ।’
प्रतिक्रिया दिनुहोस
सफल खबर संवाददाता
आइतबार, १२ बैशाख २०७८, १६ : ०८
लेखकबाट थप
सम्बन्धित समाचारहरु
५७ अंकले घट्यो बजार
नेप्सेमा ५० अंकको गिरावट, १० अर्बको कारोबार
उच्च अंकले बढ्यो नेप्से परिसूचक
सेयर बजार निरन्तर ओरालो, तीन दिनमा ६९ अंकको गिरावट
सेयर बजार २७०१ अंकमा झर्यो
१२ अंकले घट्यो नेप्से परिसूचक, ५ दिनमा २२ अंकको गिरावट