एमालेको केन्द्रिय पार्टी कार्यालय बल्खुबाट थापाथली सर्दै, नेपाल समुह स्पष्टिकरण दिनु अगाडी छलफलमा केन्द्रित

काठमाडौँ । नेपाल कम्युनिष्ट पार्टीको स्थापना दिवशको अवसर पारेर नेकपा एमालेको पार्टी केन्द्रीय कार्यालय बिहीबार (आज) बाट थापाथलीस्थित भाडाको घरमा हुने भएको छ ।

प्रधानमन्त्री समेत रहेका अध्यक्ष केपी शर्मा ओलीले पार्टी कार्यालयको बिहान ११ बजे औपचारिक उद्घाटन गर्ने कार्यक्रम रहेको कार्यालयका सचिव ईश्वरी रिजालले जानकारी दिएका छन् । त्यसअघि प्रधानमन्त्री ओलीले मदन नगर बल्खुमा बन्न लागेको पार्टी कार्यालयको शिलान्यास गर्ने कार्यक्रम छ ।

यसैबिच एमालेका नेता माधवकुमार नेपाल पक्षले बिहीबार दिउँसो १२ बजेभित्र ओलीद्वारा मागिएको स्पष्टिकरणको जवाफ दिनुअगाडी आफ्नो पक्षका संघ र प्रदेशका ३२ जना सांसद बिच आन्तरिक छलफल गर्ने बताईएको छ । 

यस्तै नेपाल पक्ष ओलीबाट हुन सक्ने सम्भावित कारवाही रोक्न माग गर्दै बुधबार नै सर्वोच्चमा रिट दायर गर्न खाजेपनि समय अभावका कारण दर्ता हुन सकेको थिएन् ।