मकवानपुर । पुर्व पश्चिम लोकमार्गको मकवानपुर मनहरी–६ स्थित सुनाचुरीमा रात्रीबस र ट्रक एक आपसमा जुध्दा ३ जनाको मृत्यु भएको छ । १० जना घाइते भएका छन् । उक्त दुर्घटना हेटौंडा–चितवन सडक खण्डमा बिहान ३ बजेतिर भएको जिल्ला प्रहरी कार्यालय मकवानपुरले जनाएको छ ।
हेटौंडाबाट चितवनतर्फ जाँदै गरेको ना.४ ख ५१४९ नम्बरको बस र विपरीत दिशाबाट हेटौंडा आउँदै गरेको ना.६ ख ८९ नम्बरको ट्रक एक आपसमा ठक्कर खाइ दुर्घटनाग्रस्त हुँदा बसका चालकसहित ३ जनाको मृत्यु भएको प्रहरीले जनाएको छ । मृत्यु हुनेमा बस चालक वीरगञ्ज–१५ का ३५ वर्षीय मदनकुमार थापा, बसमा सवार भारत सिस्वाका अन्दाजी ४० वर्षीय अभयलाल कुशवाह र भारत बिहारका ४० वर्षीय सुनिल कुमार रहेको प्रहरीले जनाएको छ ।
बस चालक थापा र कुमारको उपचारको क्रममा चितवनस्थित पुरानो मेडिकल कलेज र कुशवाहको हेटौंडा अस्पतालमा उपचारका क्रममा मृत्यु भएको हो । दुर्घटनामा बस र ट्रकमा यात्रारत १० जना यात्रुको हेटौंडामा र भरतपुरमा उपचार भइरहेको प्रहरीले जनाएको छ ।
प्रतिक्रिया दिनुहोस
सफल खबर संवाददाता
शनिबार, २९ फागुन २०७७, ०८ : ३३
लेखकबाट थप
सम्बन्धित समाचारहरु
नगरकोटमा कार दुर्घटना हुँदा ७ जना घाइते
बाराको उनासी पुलमा बस पल्टियो, ४३ यात्रु घाईते
त्रिशूली नदी किनारमा भेटिएको ट्रकको दुर्घटना शंकास्पद छ: प्रहरी
बैतडीमा जिप दुर्घटना हुँदा युवतीको मृत्यु, ४ जना घाइते
मोटरसाइकल दुर्घटना हुँदा चालकको मृत्यु
मोटरसाइकल र स्कुटर दुर्घटना हुँदा दुई जनाको मृत्यु