काठमाडौं । सञ्चार तथा सूचना प्रविधि मन्त्री पार्वत गुरुङले डिजिटल नेपाल फ्रेमवर्क सम्बन्धी अवधारणा कार्यान्वयनमा चुनौति रहेको बताएका छन् ।
कम्प्युटर एसोसिएसन अफ नेपाल महासंघ(क्यान)ले शुक्रबार आयोजना गरेको एक कार्यक्रममा बोल्दै मन्त्री गुरुङले डिजिटल नेपालको फ्रेमवर्क बनेपनि पूर्वाधार निर्माण भइनसकेकोले कार्यान्वयनमा चुनौति रहेको बताएका हुन् ।
डिजिटल नेपाल फ्रेमवर्क सम्बन्धी अवधारणालाई साकार बनाउन दुर्गम क्षेत्रमा पनि प्रविधिको प्रयोग बढाउँदै जानुपर्नेमा जोड दिए । त्यसका लागि नेपाल सरकारले विभिन्न कार्यक्रमहरु ल्याउने तयारी गरिरहेको र त्यसै अनुरुप निजी क्षेत्रले पनि आफ्ना कार्यक्रमहरु ल्याउनुपर्ने बताए ।
कार्यक्रममा अर्थमन्त्री विष्णुप्रसाद पौडेलले डिजिटल नेपाल फ्रेमवर्क सम्बन्धमा सरकारले अगाडि सारेका नीतिहरुमा कुनै अपुर्णता भएमा सुझाव दिन आग्रह गरे । डिजिटल प्रविधिको विकासका लागि सरकारले कस्तो नीति नियम बनाई कार्यान्वयन गर्नुपर्छ संस्थागत रुपमा व्यवस्थित सुझाव तयार गरी सरकारलाई दिन क्यान महासंघसँग आग्रह गरे ।
कार्यक्रममा व्यवसायीहरुले ‘सूचना तथा सञ्चार प्रविधि नीति–२०७२’ को कार्यान्वयनको क्रममा भएका अनुभवहरुबाट पाठ सिकेर नयाँ नीति अवलम्बन गर्न जुरुरी रहेको बताए । डिजिटल नेपाल फ्रेमवर्कलाई प्रभावकारी कार्यान्वयन गर्न छुट्टै निकाय बनाउनुपर्ने आवश्यकता रहेको पनि व्यवसायीहरुको भनाई छ ।
प्रतिक्रिया दिनुहोस
सफल खबर संवाददाता
शनिबार, ०४ पुस २०७७, १४ : ४८
लेखकबाट थप