नेपालमा कारोना संक्रमित हुने र निको हुनेको संख्या हालसम्मकै उच्च, २७२२ जना संक्रमित हुँदा ३३०७ निको

काठमाडौं । नेपालमा बितेको २४ घण्टामा २ हजार ७२२ जनामा कोरोना भाइरस (कोभिड–१९) संक्रमण पुष्टि भएको छ । यो एकदिनमा देखिएको संक्रमितमा हालसम्मकै उच्च हो । 

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले आजको नियमित पत्रकार सम्मेलनमा सो जानकारी गराएका हुन् । यससँगै नेपालमा कोरोना संक्रमित हुनेको संख्या ८२ हजार ४५० पुगेको छ ।

यस्तै २४ घण्टामा ३ हजार ३०७ जना कोरोना संक्रमित निको भएका छन् । निको हुनेको संख्या पनि हालसम्मकै उच्च हो । यससँगै नेपालमा कुल ६० हजार ६९६ जना संक्रमित निको भएका छन् ।

यस्तै २४ घण्टामा नेपालमा थप ११ जना कोरोना संक्रमितको मृत्यु भएको छ । यससँगै नेपालमा मृत्यु हुने कोरोना संक्रमितको संख्या ५२० पुगेको छ ।