सुदूरपश्चिम प्रदेशमा मृत्यु हुने कोरोना संक्रमितको संख्या ११ पुग्यो

कैलाली । सुदूरपश्चिम प्रदेशमा कोरोना संक्रमणबाट मृत्यु हुनेको संख्या ११ पुगेको छ । बुधबार कैलालीका २ जना संक्रमितको मृत्यु भएसँगै मृत्यु हुनेको संख्या ११ पुगेको हो ।

मृतक मध्ये अछामका १, बझाङ्गका २, बाजुराका २ र कैलालीका ६ जना रहेको सामाजिक बिकास मन्त्रलायले जानकारी दिएको छ ।  त्यसैगरी  कोरोना निको हुनेको संख्या ४ हजार ७७५ पुगेको छ । 

हालसम्म ५६ हजार ७७१ जनाको पिसिआर बिधिबाट परीक्षण ५ हजार ५१० मा कोरोना संक्रमण पुष्टि भएको सामाजिक विकास मन्त्रालयका स्वास्थ्य महाशाखा प्रमुख नरेन्द्र सिंह कार्कीले बताए । जसमा १ हजार ५७० जनाको स्वाब नतिजा आउन बाँकी रहेको उनले बताए ।