म्युजिक भिडियोमा खेलाउने भन्दै प्रलोभन देखाई वियर खुवाएर बलात्कार

काठमाडौं । काठमाडौंमा १५ वर्षीया किशोरी बलात्कृत भएकी छिन् । गत मंगलबार बलात्कार कागेश्वरी मनहरा नगरपालिका–७ स्थित वीरेन्द्रचोकमा घटना भएको हो ।

बलात्कारको आरोपमा प्रहरीले सिन्धुलीको भिमान स्थायी घर भइ हाल कागेश्वरी मनहरा–७ स्थित काँडाघारी बस्ने ३१ वर्षीय डेविट भनिने सुशील कड्कालाई पक्राउ गरेको छ । 

महानगरीय प्रहरी परिसर काठमाडौंका अनुसार खड्काले वीरेन्द्रचोकस्थित भेटघाट रेष्टुरेन्टमा किशोरीलाई बोलाई म्युजिक भिडियोमा खेलाउने भन्दै प्रलोभन देखाइ वियर खुवाएर लठ्याएको अनुसन्धानबाट खुलेको छ । त्यसपछि राती सोही रेष्टुरेन्टको क्याविनमा राखी जवरजस्ती करणी गरेको पीडित युवतीले बताएकी छिन् । 

पीडित युवतीले दिएको उजुरीका आधारमा खड्कालाई बिहीबार बिहान पक्राउ गरेर थप अनुसन्धान कार्य जारी रहेको महानगरीय प्रहरी परिसर काठमाडौंका प्रवक्ता एसपी सोमेन्द्र राठौरले जानकारी दिए ।