आज दिनभरको मौसम कस्तो रहला ? अधिकांश स्थानमा वर्षा

काठमाडौँ । जल तथा मौसम पूर्वानुमान महाशाखाले शुक्रबार देशभर  बिहान आंशिक देखि सामान्य बदली रही सबै प्रदेशका वर्षा हुने जनाएको छ । शाखाका अनुसार अहिले अधिकांश स्थानमा हल्का देखि मध्यम वर्षा भइरहेको जनाएको छ । 

मौसमविदका अनुसार शुक्रबार दिउँसो पनि देशभर सामान्य देखि पूर्ण बदली रही सातै प्रदेशका धेरैजसो स्थानहरुमा मेघगर्जन र चट्याङ्सहित हल्का देखि मध्यम वर्षाको सम्भावना रही थोरै स्थानहरुमा भारी वर्षाको सम्भावना रहेको छ । प्रदेश १, प्रदेश २, बागमती प्रदेश र गण्डकी प्रदेशका थोरै स्थानहरुमा र प्रदेश ५, सुदूरपश्चिम प्रदेश र कर्णाली प्रदेशको केही स्थानहरुमा भारी वर्षाको सम्भावना रहेको मौसमविदले बताएका छन् ।

हाल मनसुनी न्युन चापिय रेखा नेपालको तराईँ भूभाग नजिक रहेको छ । शुक्रबार राति देशभर सामान्य देखि पूर्ण बदली रही सातै प्रदेशका धेरैजसो स्थानहरुमा मेघगर्जन र चट्याङ्सहित हल्का देखि मध्यम वर्षाको सम्भावना रहेको महाशाखाले जारी गरेको सूचनमा उल्लेख छ ।